GAGI PANDIRI (Menjadi Teladan)

dalam Postingan kali ini aku terpikir ingin menulis sesuatu tentang Suku Sendiri yaitu Mori. Salah satu Suku di Sulawesi Tengah Kabupaten Morowali Utara. aku sendiri tidak terlalu mahir dalam Bahasa Daerah Sendiri. tapi bukan berarti aku tidak tahu. sesungguhnya aku sangat menyukai menggunakan bahasa daerah Mori karena itu aku menuangkannya dalam Tulisanku kali ini. karena berlatar belakang sebagai seorang Pelayan Tuhan, aku memulainya dengan menuliskan Khotbah dalam Bahasa Mori. dan karena Suku Mori terdiri dari beberapa anak Suku, aku akan menuliskan sesuai dengan suku Sendiri yakni Mori Wulanderi. aku menyusunnya dalam Bahasa Indonesia dan meminta bantuan papa untuk menterjamahkannya bersama 

KHOTBAH BAHASA MORI 

Oleh : Elfrina Laentu S.Pd.K 

(Titu 2:6-7a)  "Kanatuu koa mbo’u mia memongura, ka upatudu ira nde ka dompoko’pabawaio koa koroido ia luwuakoano. Po’ineeomo koroimu omuemu gagi pandiri ia mpoweweu moiko". 

Pu’u mpau/Tema : Gagi Pandiri  (Menjadi Teladan)

Peoanadi, pekoropohoinggu mempihe-pihe a ngeero I Yesu Kirisitu …. Lawu mempiheno ana-ana monguro, hina’o namia henu tedoa inehero hangano hina’o nampolaluano. Pande’o megolu, menani, mesandiwara. Hangano tedoa ineheno, no tonda-tonda oto napesangkano, nampodidono, saru napegontino. Komba mongee aku montonda-tonda na mia, komba meambo ara sala’o. nggoso henu paralu topewowoloo ka toto’orio monge montonda-tonda hina’o na meambono ka hinao koa mbou komba meambo. IHINO Pekoropohoi pinehohawaro I Yesu Kirisitu…. Wunta binasa nuo iwonoto wuntano I Paulu tetutu ri Titu. Wuntano Paulu toponge wunta Pompekakaako metiwa I Timotiu hangano I Titu mia koa mbou Pompekakaako. I Paulu mopoto’oriakeo I Titu kano Patudu iro koa na Bawaa I Kereta, wawo iro antuwua henu mentee, karo mpelelu koa a meamboano. Hangano bawaano mia I Kereta Ineheno mpogaru, mentuwu hele nampinotuwua, penggasi ka memolose iro. Pekoropohoi pinehohawaro I Yesu Kirisitu…. I Titu da monguro, wineiako aso na anggaa henu mobea. Kano bisa koa mompilei namia Pompekakaako a bawaa, kano patudu iro koa namia insani tuama, mia insani irowai, ana-ana monguro ka namia nteata. Aso henu tedoa ineheno I Paulu kano tuwu koa I Titu hele aso ana monguro Gagi Pandiri ampeaso miano Nampatudu kato gagi koa pandiri ampeaso miando komba butu tetutu ri Titu ka abawaa I Kereta, nggoso nampatudu nuo tetutu koa mbou ri ikito mempihe-pihe ana monguro, tuama ka irowai henu tepumpu wongi nuo. Namia henu gagi Pandiri asolekono kano hele noponge nawunta tutulu: Meurumako 

3 (Otolu) nampandiri henu bisa Totondao 

1. Pandiri Tolo Tuwu ampelelundo 

 Amba-ambano hieno kupau oto monge na ana-ana monguro ineheno montonda-tonda. Komba mompesombo henu angkoroino. Na wuuno henu momoli, nowowauo kano ngkolungkolu. Nawuuno henu ngkolungkolu nowowauo kano momoli. Nawuuno henu moeto, nowowauo kano modulo. Pekoropohoi pinehohawaro I Yesu Kirisitu…. Aso na ana monguro Kirisitu, meamboopo to tuwu hele nangkoroindo ikitondo. Hele teburi a wunta Tutulu Roma 14:22 “Pe’inimo a mpompeala-alamu atuu a ngkoroimu omuemu I aroaDo Ue Ala. Me’uraomo mia anu nahi ihukuo koroino onaeno anu ka iweweuo ba hapa anu ipewowoloo moiko. 

2. Pandiri tolo mepau 

Ana-ana monguro biasano kopau-pau. Komba notoorio nampinauno mentee ke komba mentee. Tolo mepau, topewolo-wolo ari. Komba mondeeno ndikano pompoko mahaki na aroano mia. Ndikato tuwu mondasu pindu. Hele teburi a wunta tutulu Kolose 4:6 “Pepau miu ka ibukeako koa mpiha pompehohawa, kasi motewe, ranta ka imento’orio ba kana’umpe ba imesangki ira luwuno mia. Peoandi angeero I Kirisituu …. Maito kato gagi Pandiri tolo mepau 

3. Pandiri tolo moangga 

Teburi antutulu: Mompealo-alo, nggoso komba hinao na mokaangano, metiwa koa mate. Montoori kito mepau, montoori kito mompatudu, komba towowauo metiwako namia mebooli: Noto lumeko nangkapala, impeulato. Nggoso iwono sule komba meula. Pengkonaano iwono namia butu moosu mepau, moosu mompatudu nggoso iwono liono komba mowowauo Pototono, ikito sule gagi Pandiri. Lano motungko toto gagi Pandiri a winowaundo. Nggoso maito kato mpepaguru kato bisa koa mentondao Poehero I Ue 

PAU POKOTOMPA 

Peoanadi, Ka pekoropohoi a ngeero I Yesu Kirisitu …. Tempo nuo kupopotooriakito hele ikomiu ana monguro korahakono bawaa, kato gagi koa Pandiri tolo tuwu. Hele teburi awunta tutulu 1 Timotiu 4: 12 “maupo te’asa mia kasi hina anu mokokodeiko hangano da mongurako. Ka ugagimo pandiri ia luwuno mia mpompe’ala-ala, ia mpepaumu, ia mpelelumu, ia pompehohawamu, ia mpetenunumu ka ia memporimu Ndikato megagi ana monguro henu butu mpetonda-tonda. Maito kato megagi ana monguro henu mentudu. Poinengoto tomegagi namia Petewawo, ka gagi Pandiri tolo mpelelu, pandiri tolo mepau ka Pandiri tolo moangga ! Unde-unde tiaro Kirisitu 
AMI ! 

nb: karena Alkitab dalam Bahasa Mori Wulanderi belum ada, jadi dalam setiap ayat Alkitab saya mengutip dari Alkitab Bahasa Mori Nusumbatu Versi "Dandi Wo,Ohu" 

Semoga bisa menjadi berkat bagi setiap pembaca, dan mari kita terus menjaga dan mengembangkan Budaya kita. God Bles Us! 

T A B E A!